الدارجة التونسية

ناخذو أوّلا كمبدأ، أنّو كُل شعب ينجم يكُون عندو زوز أو ثلاثة لغات رسميّة كيما في سويسرا، أو اللغات الأم أو مسقط الرأس كيما في بلجيكيا وكيما في جلّ البلدان الإفريقية. واللُّغة الأم هي إللّي نتكلّمُو بيها يوميًا، واللّي منتشرة في كُلّ تُراب الوطن واللي نعبّرو بيها على كُلِّ أحَاسِيشنا من فَرح، وحُبّ وآلام وغُشّ، واللي نستعملوها من غير أيّ ضُغوطات مع والدينا، وأولادنا، وأحبابنا، وزملائنا، وأولاد بلادنا عُمُوماً